وشـــــــوش رخـــــــام
ويفيد بايه كتر الكلام
نفس العيون ح تبص تانى لبعضها
نفس الودان على حالها زى ما سبتها
نفس القلوب
نفس الدروب
نفس الهروب
نفس الزحام
نفس الضياع
نفس المتاع
مفروش وناقص فى العهد
نفس الوشوش
عماله تفقد فى المدد
نفس البلد
نفس الولد
نازل ضعيف
راضع خريف
ملحقش صنيف
ولا ربيع
ولا اى طيف
حتى ف المنام
بتقول لمين وتعيد لمين
حاول تعيش اللى فاضللك م اليومين
وما تفتكرشى انت مين
ولا جاى منين
وان حد قالك نفس الكلام
اعمل له ودن من عجين
والتانيه طين
وان كان فى مخك حاجة شيلها
وانت ساكت
وان الدمعة سالت
ع الخدود شيلها قوام
حيفيد بايه كتر الكلام
فى وشوش رخام
أولاً أبارك لك مدونتك التى بلا هدف ولا عنوان، يعنى هو من أمتي والتدوين أصلاً لازم يبقى له هدف محدد.. ماهو دا العادي.
أما عن وشوشك الرخام التى لا يفيد فيها الكلام، كلمات جميلة ولو أني أستغربت بعض المعاني. وشايف أن أنشغالك وأرتباطك بها كثيراً جعلك بالنهاية تصبح مثلهم “وشك رخام”.. الكلام لازم يكون له فايدة ومهما كانت الوشوش جامدة يمكنك أن تحفر فيها إبتسامة لا تضيع معالما أبداً مع الزمن.
وعلى رأيي صلاح جاهين الكلمة أيد، الكلمة رجل، الكلمة باب، الكلمة نجمه كهربية في الضباب.. فاتكلموا
حلوة جرعه التفاؤل دى ها
مبروك لحضرتك مدونتك ولو الاسم غريب شوية راح تواجة تعليقات كثيرة عليه وعلى العموم ده رأيك في اسم المدونه وانت حر فيه ومبروك مره ثانية مع تمنياتي لحضرتك الموفقية